احمد فشلان الوائلي
وطن دربك
سهل گلبك
صعب حبك
عروس الماي
شمعه ادور بعيونك وما تطفه
توج بالروح نجماتك..
وين الگاك ..؟
ارد اندل سفر عينك واخيم هناك..
ودروب العشگ شافت بوجهك
كل دفو العنبر
رسايل طيفك العريس لون الناس
طعم الدنيه بشفافك وجه ينباس
تندل كل مچان إيريدك إحچايه
ومواسم للفرح للعيد للمولود للتارس
الدنيه بضحكة إعيونه
شحلاتك من تجي امسير..
ضوه يبلل ستايرنه وتمشط ارموشنه بلونك..
شغلاة اسمك
ترف حلمك
ئلي
صبح رسمك
اشوفك عابد ومعبد
لگيتك فرح ما تبرد..
نهر تكبر
على ابيوت الصدگ تسهر
تسولفنه النده الغبشه
اعله كل عصفور روحه امعلگه ابعشه..
المك ماي لحبوب السبيل
ولهفة الضامي
اسير اعليك بعيون التحب بيها
ضوه الشمعه
بقلم : صباح الديوانية
جريدة صباح الديوانية جريدة عام تصدر عن شبكة الاعلام العراقي قسم الصحافة والنشر جريدة الصباح وتصدر في مدينة الديوانية..
